Mae hwyliau isel ac iselder yn gyffredin ymhlith myfyrwyr doethurol. Gallant gael eu hachosi gan lawer o bethau gwahanol, fel eich geneteg/bioleg, digwyddiadau bywyd a newid.
Mae'r adolygiad systematig hwn yn ystyried cyfraddau mynychder ymhlith myfyrwyr doethurol o nifer o wledydd.
Mae gan y GIG rywfaint o wybodaeth ddefnyddiol am hwyliau isel ac mae'n cynnig rhai awgrymiadau ar beth all helpu pan fyddwch chi'n teimlo'n isel.
Mae Prifysgol Caerwysg (yn gweithredu drwy CEDAR; Adran Seicoleg) wedi datblygu llawlyfr sy'n defnyddio dull Therapi Ymddygiad Gwybyddol (CBT) sy'n seiliedig ar dystiolaeth i fynd i'r afael â hwyliau isel. Gallwch ei ddefnyddio i weddu i'ch anghenion - mae'n cynnwys awgrymiadau ar osod nodau, deall eich hwyliau isel, cynllunio gweithgareddau ac aros yn iach. Gallwch chi lawrlwytho'r adnodd fel unigolyn. Nid yw i gael ei atgynhyrchu.
Os ydych chi'n profi hwyliau isel mae'n bwysig siarad ag eraill am sut rydych chi'n teimlo, yn enwedig os ydych chi'n teimlo nad yw'ch bywyd yn werth ei fyw neu eich bod am frifo'ch hun. Bydd gan eich prifysgol wasanaethau proffesiynol i'ch helpu – gallwch ddod o hyd i fanylion cyswllt gwasanaethau cymorth eich prifysgol drwy glicio ar yr eicon.
